Игътибар! Авыл хуҗалыгы идарәсе яшьләр арасында конкурс игълан итә
2015 елның 30-31 октябрендә "ТР авыл яшьләренең 2014-2015 елга кадәр" озын сроклы максатчан программасын тормышка ашыру кысаларында "ТР яшьләренең авыл җирлеге берләшмәсе" региональ иҗтимагый оешмасы ТР Авыл хуҗалыгы һәм азык-төлек министрлыгы белән берлектә Татарстан Республикасының авыл хуҗалыгы эшчеләре арасында "Иң яхшы һөнәр иясе" профессиональ бәйгесе үткәрә.
Бәйгедә 18-35 яшьлек, бер елдан да аз булмаган хезмәт стажы булган, билгеләнгән тәртиптә гариза биргән авыл хуҗалыгы эшчеләре катнаша ала.
Бәйге түбәндәге номинацияләрдә үткәрелә:
"Иң яхшы мал табибы";
"Иң яхшы зоотехника белгече";
"Иң яхшы агрономия белгече";
"Иң яхшы механизатор";
"Иң яхшы машина белән саву операторы";
"Иң яхшы бозау караучы";
"Иң яхшы хисапчы-экономист";
"Иң яхшы терлек-бозау караучы".
Бәйгедә теориядән белемнәр тикшереләчәк һәм практик биремнәр башкарылачак. Җиңүчеләргә чит илдә һәнәри стажировка үтү мөмкинлеге булачак, һәр номинациядә призлы урын алганнарга дипломнар һәм 10, 8, 6 меңлек сертификатлар тапшырылачак. Катнашып та урын алмаган һәр кешегә диплом һәм 2 мең сумлык кызыксындыру премияләре биреләчәк.
Бәйгедә катнашыр өчен amo-rt.tatarstan.ru сайтында яки http://goo.gl/siu0kW. сылтамасында гариза тутырырга кирәк. Гаризалар 20 сентябрьгә кадәр кабул ителәләр.
Безнең телеграм каналга кушылыгыз! Телеграм-канал
Следите за самым важным и интересным в Telegram-каналеТатмедиа
Нет комментариев