Игенчеләр бүләкләнә

Урып-җыю темпы арткан саен урак батырларының саны да күбәя бара. "Органик-Групп" җәмгыятенә караган "Ык" агрофирмасының "Игенче" бүлекчәсендә механизатор-шоферлар бүләк алды. "Дон-1500" комбайнында 4000 цетнер ашлык суктырган өчен - Инзил Садыйковка һәм 8000 центнер икмәк ташыган "КамАЗ" шоферы Илшат Абдуллинга премия алу өчен сертификатлар, район авыл хуҗалыгы һәм азык-төлек идарәсенең рәхмәт хатлары тапшырылды. Район башлыгы Рамил Муллин авыл хуҗалыгы идарәсе белгечләре һәм "Органик-Групп" җәмгыяте җитәкчеләре белән берлектә "Калмыя" бүлекчәсендә төзелүче 400 башка исәпләнгән бозаулар торагын карады, хуҗалыкның эшчәнлеге белән танышты һәм эш барышы буенча фикер-тәкъдимнәрен дә җиткерде.