“Иделкәем” бәйгесе

19 март көнне З.Басыйрова исемендәге мәдәният йортында балалар һәм яшүсмерләр һәвәскәр театрлар һәм курчак театрларының "Иделкәем"республикакүләм смотр бәйгесенең зона туры үтәчәк. Бәйгедә Минзәлә, Тукай, Актаныш, Сарман һәм Мөслим районнары театрлары катнашыр, дип көтелә. Район данын яклап Метрәй авылы "Шатлык" балалар театры Т.Миңнуллинның "Кайда хаклык, кайда дөреслек?" спектаклен күрсәтәчәк. Балалар сәнгать мәктәбенең "Маҗара" театры тамашачыларга И.Зәйниевның "Ак чәчәкләр иле" спектаклен тәкъдим итәчәк, Иске Карамалының "Нур" театр артистлары Р.Сәгъдинең "Алсу томан" пьесасын сәхнәләштерәләр. Бәйге 12.00. сәгатьтә башлана, керү ирекле