"Иң яхшы мәдәни көндәлек" ясаган мөслимлеләр аквапарк, зоопарк һәм кинотеатрга юллама белән бүләкләнделәр
26 майда Татар дәүләт "Әкият" театрында "Иң яхшы мәдәни көндәлек" конкурсы һәм "Иң мәдәниятле ата-ана" номинациясе җиңүчеләрен бүләкләделәр. Ул 2016 - 2017 уку елында "Укучының мәдәни көндәлеге" республикакүләм мәдәни-белем бирү проектын үткәрү кысаларында узды.
Бөтен республика буенча 212 бала һәм 53 әти-әни җиңүче дип табылган. Мөслим районыннан Зилә Садриева, Раил Солтанов, Мәдинә Морзаханова һәм Рөстәм Шәяхмәтов, "Иң мәдәниятле ата-ана" номинациясендә Лилия Солтанова җиңүчеләр булдылар. Укучылар футболка, кепка, китаплар һәм «Кырлай» паркы атракционнарына чакыру, әти-әниләр зоопарк, аквапарк һәм кинотеатрга юлламалар белән бүләкләнде.
Следите за самым важным и интересным в Telegram-каналеТатмедиа
Безнең телеграм каналга кушылыгыз! Телеграм-канал
Нет комментариев