Иң татлы тел – туган тел

Бүген милли телләрне саклау проблемасы халыкара дәрәҗәдә игътибар үзәгендә тора. Татарстан Республикасында Туган телләр һәм халыклар бердәмлеге елы кысаларында , шулай ук 21февраль – Халыкара туган тел көне уңаеннан «Үзәкләштерелгән китапханә» хезмәткәре сәламәтлек мөмкинлекләре чикләнгән балалар өчен Түбән Табын мәктәп – интернатының 5-9 нчы сыйныф укучылары өчен “Иң татлы тел – туган тел” дип исемләнгән чара үткәрде. Чараның максаты – укучыларны Халыкара туган тел көне белән таныштыру, туган телгә һәм башка телләргә сакчыл караш, туган телең өчен горурлык хисе тәрбияләү. Чара барышында балалар шигырьләр сөйләделәр, сорауларга, табышмакларга җавап эзләделәр.