Хокук бозуларны профилактикалау комиссиясенең чираттагы утырышы узды

Комиссиянең 2015 елга билгеләнгән эш планы буенча, утырышта "Хокук бозуларны профилактикалау комиссиясенең эш нәтиҗәләре, район күләмендә куркынычсызлыкны тәэмин итү буенча хокук саклау органнарының эшчәнлеге массакүләм мәгълүмат чараларында дөнья күрүе" темасына сөйләшү булды. Район эчке эшләр бүлеге начальнигы Наил Бәдретдинов 2014 елда башкарылган эшләргә йомгак ясады, алдагы көнгә билгеләнгән бурычлар турында сөйләде. "Татмедиа" акционерлык җәмгыятенең Мөслимдәге филиалы "Мөслим матбугат үзәге" директоры Рөстәм Зәкиев телевидение, газета һәм радио чыгарылышларында хокук бозуларны профилактикалау темасының яктыртылуы турында бәян итте.