Хезмәт министрлыгы ихтыяҗ булган һөнәрләрне атаган

Идарә мәгълүматлары буенча инженер-технолог, контроль-үлчәү приборлары инженерларына ихтыяҗ зур, дип хәбәр итә «Татар-информ».

Хезмәт министрлыгы Россиядә ихтыяҗы зур булган һөнәрләрне атаган. Бу хакта, мәшгульлек хезмәте органнары статистикасына сылтама биреп, «Известия» яза.

Идарә мәгълүматлары буенча, соңгы вакытта инженер-технолог, контроль-үлчәү приборлары инженеры, техник-технолог һәм сәнәгатьтә станок буенча белгечләргә ихтыяҗ арта.

Министрлыкта хезмәт базарындагы мондый үзгәрешне илнең икътисади үсеш моделенең алышынуы белән аңлаталар. Ягъни 2014 елга кадәр Россиядә сатучылар һәм сату буенча менеджерлар күбрәк кирәк булса, хәзер исә технология-сәнәгать өлкәсе үсеше күзәтелә.