Мөслим-информ

Хәерле сәгатьтә!

"Чайка" кошчылык комплексы җитәкчесе шәхси эшмәкәр Дамир Шәңгәрәевнең эшчәнлеге районда гына түгел, республикада да билгеле. Биредә үстерелгән кош-кортка сорау зур. Аларны башка респубикалардан, ерак төбәкләрдән дә килеп алалар. Бүген инде эшче тагын бер җитештерү тармагын булдырырга ниятли.

Узган ел кошчы фермерлар, илдәге икътисадый хәлгә бәйле, йомырка җитмәү проблемасы белән очрашты. Санкцияләр кертелү сәбәпле, Чебоксар кебек ерак республикалардан да йомырка ташыдык, ди алар. Дамир Шәңгәрәев төзергә ниятләгән репродукция үзәге әлеге проблеманы, һичшиксез, хәл итәчәк. Күптән түгел генә район башлыгы Рамил Муллин һәм төрле тармак вәкилләре катнашында әлеге төзелешкә тантаналы төстә старт бирелде.

Репродукция үзәге яруслы, ягъни берничә катлы эш принцибына көйләнәчәк. Димәк, булачак үзәк аз урынны таләп итә. Эшмәкәр фаразларынча, булачак торакта барлыгы 37 мең баш тавык асраячаклар. Алар елына 3 млнга якын йомырка салырга сәләтле. Йомыркаларның кайда реализацияләнәчәге дә инде билгеле. Беренче чиратта, алардан үзләре чеби чыгарырга ниятли. Шул ук вакытта районда эшләүче башка кошчыларга да йомырка кирәк бит. "Барлык кошчыларның эш күләмен исәпә алганда, елына 3 млн йомырка җитеп тә бетмәячәк", - ди Д. Шәңгәрәев.

  • Хәтерләрдә ул еллар...
  • “Алтын балык” фестивале
  • Рәшит Шәфыйковның юбилей кичәсе узды
  • Гимназиягә 15 яшь тулды
  • “Мәңге сүнмәс яз гөле сез, Әниләр!” дип исемләнгән чара үтте.
  • "Без бу җирдә бары Мөслимнеке!" гала концерты
  • Ярминкә
  • Тарихи вакыйга
  • Көзге чакырылыш
  • Агач утырту – изге эш

Республика күләмендә йомырка салдыру үзәкләре бармак белән генә санарлык. Иң якыны Тукай районында урнашкан. Ләкин андагы йомырка тулаем "Челны бройлер" хуҗалыгында файдаланыла. Димәк, репродукция үзәгенең безнең районда булдырылуы Мөслим данын республика һәм күрше төбәкләрдә танытуга тагын бер этәргеч булачак. Шул ук вакытта яңа җитештерү тармагы белән бергә яңа эш урыннары да барлыкка киләчәк.

Алеся Латыйпова.

Нравится
Поделиться:
Реклама
Комментарии (0)
Осталось символов: