ГТО КОМПЛЕКСЫНЫҢ 90 ЕЛЛЫГЫНА БАГЫШЛАНГАН РЕСПУБЛИКА ИҖАТ КОНКУРСЫНДА ҖИҢҮЧЕЛӘР БИЛГЕЛӘНДЕ
Узган ял көннәрендә ГТО Бөтенсоюз комплексы оешуга 90 ел тулуга һәм туган телләр һәм Халык бердәмлеге елына багышланган Республика балалар проектлары конкурсы жюрие талантлар бәйгесенә йомгак ясады.
Конкурста республиканың гомуми белем бирү учреждениеләренең 7 нче сыйныф укучылары катнаша ала иде. Яшь чикләүләренә карамастан, 25 марттан 15 апрельгә кадәр рус һәм татар телләрендә дүрт йөзгә якын гариза җыелган. Конкурсантлар жюри хөкеменә ГТО ВФСК тематикасы буенча төрле техникада башкарылган рәсемнәр һәм рус яки татар телләрендә 8 юллык кыска шигырьләр тәкъдим иттеләр.
Җиңүче һәр тел төркемендә билгеләнде. Татар телендәге эшләр арасында Казанның 186 нчы күппрофильле лицеенда укучы кызның «Перспектива»дигән шигыре һәм рәсеме иң яхшысы дип табылды.
Жюри икенче урынны Теләче урта мәктәбеннән Нарима Салмановага бирде, өченче урынны Яр Чаллы шәһәренең 33 нче урта мәктәбе укучысы Инзил Гайниев яулады
Рус телендәге эшләр арасында жюри беренчелеге Әгерҗе муниципаль районының Красный Бор урта мәктәбеннән Денис Пономаревка бирелде.
Рус телле конкурсантлар арасында рәсем һәм шигырь өчен баллар буенча икенче урында-Казанның 153 нче мәктәбе укучысы Дарья Кислова, бу төркемдә иҗади пьедесталның өченче баскычын жюри Буа районының Зур Фролово мәктәбеннән Эмиль Галашевка бирде.
Следите за самым важным и интересным в Telegram-каналеТатмедиа
Безнең телеграм каналга кушылыгыз! Телеграм-канал
Нет комментариев