Гимназиялеләрнең уңышлары санап бетергесез
Район күләмендә уздырылучы бәйге булсынмы ул, республика күләмендәме, гимназия укучылары алдынгылар рәтендә бара. Матбугат үзәге сайтында уздырылган "Иң тату сыйныф" бәйгесендә дә гимназиянең 4 А классы укучылары, иң күп тавыш җыеп, җиңүче булды. Класс җитәкчеләре Маргарита Идиятуллина укучыларны кечкенәдән бер йодрык булып тупландылар дип сөенә.
"Президент ярышлары" исеме астында узган укучыларның россиякүләм спорт ярышларында да гимназия укучылары сынатмады. Авыл мәктәпләре арасында 12 команда арасыннан иң беренче урынга чыкты алар.
Узган ел да гимназия бу ярышларның җиңүчесе булган иде. Түбән Кама шәһәренең "Шинник" спорт комплексында узган "Президент ярышлары"ннан мактау грамоталары һәм кубоклар белән әйләнеп кайткан укучылар - гимназиянең горурлыгы.
7 сыйныфта гына укысалар да, спортчылар үзләрен бик иркен тота. Без егет-кызларның бер-берсенә булган мөнәсәбәтенә, үзара ихтирам белән аралашуларына сокланып кайттык. Зурларча фикер йөрткән команда җиңүгә гимназиянең физкултура укытучысы Дамир Шәйхетдинов ярдәме белән ирештек, ди. "Президент ярышлары" ның республика туры сентябр аенда Анапа шәһәрендә узачак. Райондашларыбыз бу бәйгедә дә сынатмаслар дип ышанып калабыз.
Укыту, тәрбия бирү системасы соңгы елларда үзенчәлекле алымнар файдалану белән аерылып тора. Шулай да үсеп килүче буынны тарихи кыйммәтләрне хөрмәт итүгә өйрәтү алгы планда кала бирә. Шуны күздә тотып, Мөслим гимназиясендә музей булдыру эшенә тотынганнар. Һәр класс чемоданда музей туплый башлаган. Кемдер совет чоры уенчыклары, кемдер бопынгы уку әсбаплары җыя. Иң мөһиме, бу эштә укучылар һәм аларның гаилә әгъзалары актив катнаша. Әлмәт дәүләт муниципаль хезмәт институты инициативасы белән алтынчы ел шагыйрә, Г. Тукай исемендәге дәүләт бүләге иясе К. Булатова исемендәге премия тапшыру тантанасы уздырылда. Гимназиядән катнашкан укучылар "Әдәби иҗат" һәм "Фәнни эш" юнәлешләре буенча көч сынашты. Бәйгедән Мөслим гимназиясе I дәрәҗә Диплом һәм премия белән бүләкләнде. "Былбыл" иҗат берләшмәсе җитәкче Эльмира Тимергалиева конкурска 6 ел рәттән җиңүчеләр әзерләгән өчен Рәхмәт хаты белән бүләкләнде.
Мөслим гимназиясе директоры Азат Мирзаянов - "Безнең иң яхшы директор"гранты иясе, тарих һәм җәмгыять белеме фәннәре укытучысы. "Гимназиядә бүгенге көндә 443 укучы белем ала, аларга 47 укытучы белем һәм тәрбия бирә.
Лилия Шәймиева.
Иң мөһим һәм кызыклы язмаларны Татмедиа Telegram-каналында укыгыз
