Гимназия базасында киңәшмә үтте

Март аеның соңгы атнасы башында Мөслимдәге гимназия базасында район мәктәпләрендә эшләүче өстәмә белем бирү педагогларының район киңәшмәсе булып үтте. Мәктәптән тыш эшләре оештырган әлеге сөйләшүдә район Советы оештыру бүлегенең баш белгече Марина Бәдретдинова, мәгариф идарәсе начальнигы Рафаэль Демидов катнашты. Көнүзәк мәсьәлә - укучыларның дәрестән соң вакытларын ни рәвешле максималь файдалы итәргә. Шулай ук сүз апрель аенда булачак "Дәрестән соң" дип исемләнгән фестивальгә әзерлек турында да булды. Берләшмә җитәкчеләре җитәкчелеккә үзләрен борчыган сорауларын бирделәр һәм канәгатьләнерлек җаваплар алдылар.