"ТАТМЕДИА" акционерлык җәмгыяте тарафыннан чыгарыла торган газет-журналларга язылган кешеләргә кыйммәтле бүләкләр өләшү күптән инде матур традициягә әверелде: быел әлеге чара бишенче тапкыр уздырылачак.
"ТАТМЕДИА" тарафыннан нәшер ителә торган газета-журналлар саны чиксез күп. Шунысы сөенечле: әлеге матбугат чараларына язылучы, аларны көтеп алучы, теге яки бу мәкалә буенча үз фикерен белдерүчеләр дә шактый. Татарстанлыларны сыйфатлы вакытлы матбугат белән тәэмин итү исә - компаниянең төп бурычы. Газета-журналларга язылучылар арасында Россиянең башка төбәкләрендә гомер итүчеләрнең дә булуы исә аеруча шатлыклы күренеш...
Билгеле булганча, инде берничә ел дәвамында "ТАТМЕДИА" газета-журналларга язылучыларга кыйммәтле бүләкләр өләшә. Моңа кадәр әлеге бүләккә вакытлы матбугатка язылып аеруча күп акча сарыф иткән кеше лаек була иде. Тик узган ел җиңүчеләрне ачыклау кагыйдәләре үзгәрде. 2016 елның беренче яртыеллыгына язылу кампаниясе нәтиҗәләре буенча үткәрелгән акциянең җиңүчеләрен барабан әйләндереп ачыкладылар.
Хәзер исә "ТАТМЕДИА" 2016 елның икенче яртыеллыгына язылу кампаниясендә катнашучылар арасында да шундый ук акция игълан итә. Анда катнашу өчен 30 июньгә кадәр "Татмедиа"ның кимендә өч басмасына язылып, квитанцияләрнең күчермәләрен оештыручыларга җибәрергә кирәк. Хатлар 420066, Казан шәһәре, Декабристлар урамы, 2 йорт адресы буенча кабул ителә. Теләге булганнар әлеге квитанцияләрне podpiska@tatmedia.ru электрон почтасына җибәрә ала. Шунысы да бар: вакытлы матбугатны ким дигәндә 6 айга яздыру сорала. Әлеге басмаларның исемлеге белән исә www.tatmedia.ruсайтында танышырга мөмкин. Хатта акциядә катнашучының телефон номерын күрсәтү мәҗбүри.
Агымдагы елда җиңүчегә тапшышырылачак төп бүләк - 32 дюймлы телевизор. Шул ук вакытта өч цифрлы фотоаппарат, "Кукмара" савыт-сабалары да үз хуҗаларын табачак. Әле алай гына да түгел, һәр районның аеруча актив катнашучыларын истәлекле бүләкләр көтә. Призларны уйнату 19 август көненә билгеләнгән.
Иң мөһим һәм кызыклы язмаларны Татмедиа Telegram-каналында укыгыз
