Мөслим-информ

Гаилә – бәхет ачкычы

Гаилә, мәхәббәт һәм тугрылык бәйрәме Россиядә һәм шул исәптән Татарстанда 2009 елдан билгеләп үтелә. Тирән мәгънәгә ия гаилә төшенчәсен ир-ат һәм хатын-кыз мөнәсәбәтләренә генә кайтарып калдырырга ярамый. Дөньяга карашлары төрле булып та, уй-кичерешләре, шатлык-борчулары уртак булган, бер-берсен үзара хөрмәт иткән кешеләр гаилә булып берләшә.

"Мизгел" яшьләр үзәгендә үзәк белгечләре тарафыннан гаилә көненә багышланган чара оештырылды. Зал, бәйрәмнең символы булган ромашка чәчәкләреннән торган зур букет һәм пар балдаклар белән бизәлгән иде. Чарага районыбыз горурлыгы булган Яңа Сәфәр авылында гомер итүче, 8 балага тормыш бүләк иткән Миңнулла һәм Хәмдия Нуруллинар чакырылган иде. Алар икесе дә гомер буе "Урал" колхозында намуслы хезмәт куйганнар. Балаларга матур, дөрес тәрбия биргәне өчен Хәмдия апа "Ана даны" медаленә лаек булган кеше. 94 яшенә кадәр бианасын тәрбияләп , соңгы юлга озата. Күп еллар дәвамында матур эшләр, матур яшәү рәвеше күрсәткән, чын мәгънәсендә үрнәк гаиләләргә генә бирелә торган "Гаилә, мәхәббәт һәм тугрылык" медален Нуруллиннарга район Советы аппараты җитәкчесе Азат Әхмәтҗанов тапшырды. Бәйрәмгә килгән күпсанлы балалары, оныклары, оныкчыклары матур парга котлау сүзләре, чәчәк букетлары, шигырь юллары бүләк иттеләр.

Чара дәвамында җирлегебездә үз эшен булдырган иҗади гаилә, Рүзәл һәм Алисә Минһаҗевлар бәхет төшенчәсенең сере белән уртаклаштылар. Аларга бәйрәм уңаеннан истәлек бүләге тапшырылды.

Хөкүмәтебез тарафыннан гаиләләрне үстерү, ныгыту йөзеннән төрле программалар эшләп килә. Иң масштаблылырының берсе - икенче һәм аннан соңгы балалары туган гаиләләргә Ана (гаилә) капиталына дәүләт сертификаты алу мөмкинлеге бирелә. Ана (гаилә) капиталына сертификатын бер төркем яшь әти-әниләргә район пенсия фонды җитәкчесе Фәридә Ганиева тапшырды. Кызыл туйларын яңа билгеләп үткән Ландыш һәм Рамил Латыйповларга алдагы тормыш юлына үгет-нәсихәтне бүген генә Гаилә, мәхәббәт һәм тугрылык медале алган Миңнулла абый һәм Хәмдия апа Нуруллинар гаиләсе ишеттерде. Килгән кунакларга бәйрәм тәбрикләүләрен Башкарма комитет җитәкчесенең социаль-мәдәни эшләр буенча урынбасары Рушат Срлтанов җиткерде. Чара район мәдәният йорты үзешчәннәре чыгышы белән үрелеп барды.

Бәйрәм уңаеннан гына түгел, дөньядагы һәр гаиләгә тигезлек, тынычлык, муллык, сәламәтлек, бәхет һәм мәхәббәт телибез. Балаларыбыз һәрчак шатландырып, безнең горурлыгыбыз булсыннар. Илләр имин, гаиләләр нык булсын.

Наилә Сәлахова

Иң мөһим һәм кызыклы язмаларны Татмедиа Telegram-каналында укыгыз


Нравится
Поделиться:
Реклама
Реклама
Комментарии (0)
Осталось символов: