Гадәттән тыш хәлләр комиссиясе утырышы узды

11 гыйнвар көнне район Советы актлар залында Гадәттән тыш хәлләр комиссиясе утырышы узды. Аны район Башлыгы Рамил Муллин алып барды. Утырышта оешма-предприятие җитәкчеләре, он-лайн режимда авыл җирлекләре башлыклары катнашты. Җыелышта, 9 гыйнварда Лениногорск районында булган фаҗигага тукталынды. Шундый аяныч хәл безнең районда да кабатланмасын өчен, бүгеннән үк җаваплы оешмалар эшчәнлекләрен башларга тиешлеге ассызыкланды. Тиз арада мәгариф, сәламәтлек саклау оешмалары, социаль яклау, эчке эшләр бүлеге, газ участогы, гадәттән тыш хәлләр министрлыгының Мөслим бүлекчәсе хезмәткәрләре белән берлектә комиссия төзергә һәм уңышсыз гаиләләрне исәпкә алып, тормыш-көнкүрешләрен өйрәнеп, кирәк булса ярдәм оештырырга дигән максат куелды.