Г. Тукай исемендәге урта мәктәбендә “Тәртипле җәяүле” исемле ярыш үткәрелде

Г. Тукай исемендәге Мөслим урта мәктәбенең 5б классы укучылары һәм әти-әниләре белән берлектә "Тәртипле җәяүле" исемле ярыш үткәрелде. Бәйгене Сарман һәм Мөслим районнары буенча юл йөрү кагыйдәләре программаларын финанслау директоры Алсу Ситдыйкова һәм класс җитәкчесе Гөлшан Мәүлиева оештырды. Балалар төрле биремнәр үтәделәр, юл йөрү кагыйдәләрен ни дәрәҗәдә белүләрен күрсәттеләр. Алсу Разиновна укучыларга рюкзаклар, пазллар һәм киемнәргә беркетелүче яктырткыч смайликлар бүләк итте.