Мөслим-информ

Фаррахов: яңа локдаун икътисад һәм халык өчен катастрофага әйләнәчәк

Яңа милли локдаунны булдырмас өчен, табибларның киңәшләрен тайпылышсыз үтәргә: битлек кияргә, дистанцияне үтәргә, кулларны юарга һәм социаль элемтәләрнең санын киметергә кирәк. Бу хакта ТР Дәүләт Думасы депутаты Айрат Фәррахов хәбәр итте.

Илдә коронавирус чикләүләрен кабатлау чын икътисади катастрофага әйләнәчәк. Яңа милли локдаунны булдырмас өчен, табибларның киңәшләрен тайпылышсыз үтәргә: битлек кияргә, дистанцияне үтәргә, кулларны юарга һәм социаль элемтәләрнең санын киметергә кирәк. Бу хакта ТР Дәүләт Думасы депутаты Айрат Фәррахов хәбәр итте.
Ул билгеләп үткәнчә, хәзерге вакытта Россиядә һәм дөньяда коронавирус белән яңа зарарлану санының шактый артуы күзәтелә. Әмма бу эпидемиянең икенче дулкыны түгел, ә бары тик беренчесенең дәвамы гына.
Ул соңгы айларда медиклар вируска каршы нәтиҗәле көрәшергә өйрәнде, дип өстәде. 
"Чөнки локдаунның икътисади нәтиҗәләре аерым граждан өчен дә (хезмәт хакын түләмәү рәвеше), барлык дәүләтләрнең икътисады өчен дә катастрофик", - дип билгеләп үтте Фәррахов.
Аның сүзләренә караганда, куркыныч язгы сценарийны булдырмау мөмкинлеге кешеләр тарафыннан табибларның гади киңәшләрен үтәүгә турыдан-туры бәйле.
"Зарарланган, шул исәптән авыр кешеләрнең күпме булуы безнең үзебездән, һәрберебездән тора инде. Нәкъ менә шуңа күрә медикларның антиковидлы барлык киңәшләрен үтәү мөһим. Ахыр чиктә безнең гомуми икътисади иминлек шуңа бәйле", - дип нәтиҗә ясады Айрат Фәррахов.

Иң мөһим һәм кызыклы язмаларны Татмедиа Telegram-каналында укыгыз


Нравится
Поделиться:
Реклама
Реклама
Комментарии (0)
Осталось символов: