Эшчәнлеге киңәя бара

“Фаиза” кооперативы бүгенге көндә Татарстан һәм Башкортостандагы 40тан артык авылдан һәм крестьян-фермер хуҗалыгыннан сөт сатып ала. Кооперативның матди базасы көн саен тәүлегенә 60 тоннага кадәр сөт җыярга һәм суытырга мөмкинлек бирә. Биредә елына 30 тонна сөт, эремчек, кефир, катык, атланмай кебек продуктлар җитештерелә. Бүгенге көндә сөт эшкәртү куәте 50 тонна булган һәм сменага 5 тонна әзер продукция җитештерүгә исәпләнгән сыр цехы төзелә. Аның гомуми чыгымнары 120 млн сум булыр дип көтелә.