Елның беренче узышларында 

Әлмәт шәһәрендә ат ярышлары узды. Татарстанның көньяк-көнчыгыш районнары сезонын ачу бәйгесендә Мөслим ат спорты мәктәбенең 3 һәм 4 яшьлек атлары Кашемир һәм Престиж, үз төркемнәрендә җиңү яулап, беренче бишлеккә керде. Башкортостанның Дүртөйле шәһәрендә җәйге сезон ачылу уңаеннан узган ярышларда алтмыштан артык ат катнашты, шуларның 6сы – Мөслим районыннан. Тойгелдедән Айдар Зиннуровның – Викинг һәм Вектор, Яңа Сәеттән Мирзафатыйх Мирсалиховның – Арамис, ат спорты мәктәбенең Гамлет, Боливия, Голд Принц кушаматлы атлары уңышлы чыгыш ясады. 3 яшьлек атлар арасында Голд Принц беренче урынны яулады. Йөртүчесе – Фазаел Вәлиев.