Мөслим-информ

Елгабаш авылында Рәшит Хәбиров хөрмәтенә истәлек тактасы куелды

Симәк авыл җирлегендә 2016 елдагы эшчәнлеккә багышланган халык җены үтте. Җыенда район башлыгы Рамиль Муллин, "Урожай" агрофирмасы җитәкчесе Илгиз Зиннуров катнашты. Халык җыены Елгабаш авылы клубы бинасында узды.

Җыенда Елгабаш авылы халкы, агрофирма һәм бюджет оешмасы хезмәткәрләре катнашты. Авыл җирлеге башлыгы Рифас Садертдинов, район башлыгы Рамиль Муллин, район эчке эшләр бүлеге җитәкчесенең җәмагать тәртибен саклау буенча урынбасары Александр Янов, җирлектәге оешма җитәкчеләре чыгыш ясады. Бу көнне шулай ук күренекле якташыбыз, Елгабаш авылында туып үскән Рәшит Хәбиров хөрмәтенә куелган истәлек тактасын да ачу булды. Рәшит Хәбиров Елгабаш авылында күп функцияле үзәк, Краснояр авылында мәчет салдырды, шулай ук җирлектә күп эшләрне башкарырга да ярдәм күрсәтә. Шуңа күрә дә якташыбызның игелекле хезмәтләре сокланырлык һәм зур хөрмәткә бик тә лаек.

Иң мөһим һәм кызыклы язмаларны Татмедиа Telegram-каналында укыгыз


Нравится
Поделиться:
Реклама
Реклама
Комментарии (0)
Осталось символов: