"Ел тәрбиячесе - 2016" смотр-конкурсының зона туры Азнакайда үтте

30 нчы март көнне Азнакай поселогының "Тамчыкай" балалар бакчасында республикакүләм "Ел тәрбиячесе - 2016" смотр-конкурсының зона туры үтте. Анда Мөслим, Азнакай, Ютазы, Сарман, Актаныш, Баулы районнарыннан "Ел тәрбиячесе - 2016" смотр-конкурсының муниципаль турында призлы урыннар алган мәктәпкәчә яшьтәге балаларга белем бирү учреждениеләрдә эшләүче педагоглар көч сынаштылар.

Мөслим районыннан "Күбәләк" балалар бакчасы тәрбиячесе Айгөл Мәҗитова, Мөслим авылы "Карлыгач" балалар бакчасы тәрбиячесе Гөлнар Фәрхетдинова Гөлнар катнаштылар. Педагоглар бәйге барышында үзләренең эш юнәлешләре буенча бердәм аралашу эшчәнлеге күрсәттеләр, үз эшчәнлекләре буенча видеопрезентация ясадылар.