Экспертлар татарстанлыларны соцпакетны сайларга чакырды

Яшь татарстанлыларга бүген федераль ташламаларны алучы ата-аналарга социаль пакет сайларга ярдәм күрсәтергә кирәк диделәр «Татар-информ» мәгълүмат агентлыгында узган матбугат конференциясендә.
"Бу хакта мин инде 15 ел сөйлим. Бүген без дөрес сайлау кирәклеге турында тагын бер кат исегезгә төшерәбез. Без, табиблар, пациентларга гына түгел, аларның якыннарына да дөрес сайлау кирәклеге турында исенә төшерәбез. Без әти-әниләребезне, әби-бабайларыбызны хәл итүгә йогынты ясый торган яшьләр аудиториясенә мөрәҗәгать итәбез. Кеше авырый башлагач, аңа кыйммәтле препаратлар кирәк», - диде ТР сәламәтлек саклау министры урынбасары Фәридә Яркаева.
ТР буенча РПФның социаль түләүләр бүлеге башлыгы Гөлсинә Сабирова искәртеп узганча, ташламалардан баш тартырга һәм ПФРга социаль хезмәтләр җыелмасы бирү турында гаризаны 1 октябрьгә кадәр тапшырырга кирәк. Соцпакет рецептлар буенча медицина куллануы өчен дару препаратларыннан, шифаханә-курорт дәвалавына юлламалардан, шәһәр яны тимер юл транспортында бушлай йөрүдән, шулай ук дәвалану урынына һәм кире шәһәрара транспортта йөрүдән тора.
Закон 2005 елдан бирле гамәлдә. Социаль хезмәтләр җыелмасыннан баш тартучыларга ай саен 889 сум түләнәчәк. Әгәр кешеләр социаль пакет сайласа, табиб рецепты буенча алына торган медицина препаратларының бәясе чикләнми. 
Тулырак мәгълүмат: https://www.tatar-inform.ru/news/society/09-09-2020/eksperty-prizvali-tatarstantsev-povliyat-na-vybor-pozhilyh-lyudey-v-polzu-sotspaketa-5769831