Диңгез суының файдасы

- Диңгез суы кемнәргә файдалы, ул нинди авырулардан дәвалый? Томау, гайморит, хроник риниттан файдасы тия. Борын эчен диңгез суы белән чайкау да хәлне яхшырта. Үпкә һәм бронхларны дәвалый. Диңгез суында кальций, күкерт, башка минераль матдәләр бар.  Ялкынсынуга һәм микробларга каршы тору үзлегенә ия. Стресслардан коткара. Диңгез суы йод һәм бромга бай. Моннан тыш, анда нерв системасы өчен кирәкле магний күп.

Тире авыруларын да дәвалый. Экзема, псориаз, башка тире  авырулары борчыганда, диңгез суының шифасы тия. Тозлы су тирене киптерә, ялкынсынуларны киметә.

Диңгез суын өйгә алып кайтып булмый, бер тәүлектән ук аның файдалы үзлекләре кими башлый.

Диңгез суын өйдә әзерләп карарга була. 1 стакан суны кайнатып чыгарганнан сон, 37 градус җылылыкка кадәр суытырга hәм 1 чәй кашыгы диңгез тозы кушып эретергә. Шуңа 1 тамчы йод өстәп, марля аша сөзәргә.

Алсу Хисаметдинова фотосы