Чаралар күп үтә

Быел Мөслим картлар һәм инвалидлар йортында ТАССРның 100 еллыгына багышланган чаралар күп үтә. Күптән түгел генә тагын бер чара оештырылды. Ул татар халкының мәшһүр җырчысы, якташыбыз Зифа Басыйрованың тууына 110 ел тулуга багышланды. Мәдәни чараларны оештыручы Азия Заһидуллина социаль хезмәтләрдән файдаланучыларны Зифа Басыйрованың тормыш юлы, иҗаты белән таныштырды. Өлкәннәр якташыбызның баянчы  Оркыя Ибраһимова белән авылдан-авылга концертлар куеп йөрүе, татар халык җырларын пропагандалавы, спектакльләрдә матур рольләр башкаруы белән халкыбыз өчен бик кәдерле шәхес икәнен ачыкладылар. Соңыннан язмаларда Зифа Басыйрова башкаруындагы җырларны тыңладылар.