Җиңү көне белән!

Бәйрәм белән! 
Илебез Бөек Җиңүнең 74 еллыгын бәйрәм итә. Шул уңайдан район башлыгы Рамил Муллин Бөек Ватан сугышы, тыл һәм хезмәт ветераннарын, сугыш чоры балаларын, барлык райондашларны бәйрәм белән тәбрикләде. Котлауда мондый юллар бар: “Илебез тарихында Бөек Җиңү көненең әһәмияте бик зур. Бу бәйрәм – тынычлык, өмет, якты киләчәккә ышаныч символы. Бүген без каһарман сугышчыларыбызга, колхоз кырларында фидакарьләрчә хезмәт куйган тыл хезмәтчәннәренә тирән хөрмәтебезне, чиксез рәхмәтебезне җиткерәбез. Сугыштан соң районны торгызуда күрсәткән намуслы хезмәтегез алдында баш иябез. Барыгызны да Бөек Җиңү көне белән ихлас котлыйм! Сезгә ныклы сәламәтлек, иминлек, бәхетле тормыш телим. Күкләребез һәрчак аяз булсын!”