Бу көнне Мөслимдә

Берьеллык үлән культураларыннан бушаган басуларда арышның ярты­сын СЗС-2,1 агрегатлары белән чәчү планлаштырыла. Аны кыска срокта үткәрү оптималь дымлылыкны са­клап калырга мөмкинлек бирәчәк.

И. Зиннуров, район авыл хуҗалыгы идарәсенең игенчелек һәм азык җитештерү бүлеге начальнигы.

6 август

Тырышлык арта

Иртә силос салуга быел да оеш­кан төстә керештек. Бүгенге көндә бу төр азык 600 тонна күләмендә тупланды.

Берьеллык үлән басуында КСК-100 һәм Е-280 агрегатларын иртә таңнан кичке караңгыга кадәр күрергә була. Хуҗалыкка ярдәмгә “Сельхозхимия”нең рай­он берләшмәсеннән, Түбән Кама ПАТОсыннан шоферлар килде. Аларның һәркайсы көн саен 15-20 рейс ясый. Колхозның да барлык техникасы басуда.

Гомумән, терлек азыгы хәзерләүчеләр, аны ел ярымлык күләмдә туплауны максат итеп, ты­рышлыкларын арттыра баралар.

Ф. Нәбиева, “Правда” колхозы бухгалтеры.

Сәхифәне Мөнирә Арсланова әзерләде.