Бөтенроссия турнирында Айнур – өченче

3-5 май көннәрендә Екатеринбург шәһәрендә ике тапкыр Советлар Союзы герое, очучы Г.А. Речкалов истәлегенә бадминтон буенча Бөтенроссия яшүсмерләр турниры үтте. Татарстан җыелма командасы составында районыбызның балалар һәм яшүсмерләр спорт мәктәбе бадминтончылары Айнур Җәлилов һәм Нурислам Шәйхуллин катнашты. Ярыш нәтиҗәләре буенча парлы разрядта Айнур Җәлилов Алексеевск районы егете белән һәм катнаш уенда Кайбыч районы кызы белән өченче урын алдылар. Нурислам Шәйхуллин шәхси беренчелектә бишенче урынга лаек булды. Җиңүчеләр медаль һәм кыйммәтле пакетлар белән бүләкләнделәр. Тренерлары - Инсаф Ханов.