Бөтендөнья татар конгрессының Мөслим бүлекчәсе хисап тота

Бүген Бөтендөнья татар конгрессы башкарма комитеты Мөслим җирле бүлекчәсенең чираттагы утырышы узды. Утырышта Бөтендөнья татар конгрессының Мөслим җирле бүлекчәсе җитәкчесе Лилия Садриева узган елдагы эшчәнлеге буенча хисап тотты, алда торган бурычларны билгеләде. Г. Ибраһимов исемендәге Тел, әдәбият, сәнгать һәм тарих институты оештырачак экспедиция хакында Татарстан халыклары ассамблеясенең Мөслимдәге вәкиллеге җитәкчесе Рушат Солтанов бәян итте. "Ак калфак" хатын-кызлар иҗтимагый оешмасының җирле бүлеге эшчәнлеге турында бүлек җитәкчесе Эльмира Тимергалиева сөйләде.