Бишек җырлары көне

– Туган телләр һәм халыклар бердәмлеге елы кысаларында “Карлыгач” балалар бакчасының икенче кечкенәләр төркемендә бишек җырлары көне үтте. Нәниләр өйрәнгән бишек җырларын җырлап, аудиоязмалар тыңлап курчакларын йоклатты. Балалар бишек һәм аның бала тормышындагы урыны турында да мәгълүмат алды. Балаларга кечкенәдән рольле уеннар уйнау файдага гына. Моны аңлап, тәрбиячеләр сабыйлар белән тыгыз эш алып бара. Дүшәмбе көнне бакчаның беренче кечкенәләр төркеме балалары шагыйрьләр белән таныша башлады. Татар халкының күренекле язучысы Г.Тукай иҗаты балаларда зур кызыксыну уятты. Алар шагыйрьнең әсәрләренә ясалган иллюстрацияләрне карадылар, әкиятләреннән өзекләрне сәхнәләштерделәр.

Гөлнур Фазлыева, 
Мөслим “Карлыгач” балалар бакчасы җитәкчесе.