Иртә культуралар чәчеләсе мәйданның яртысында эш төгәлләнде

Район хуҗалыклары көн саен 4 мең гектарда һәм аннан да артыграк мәйданда чәчү эшләре үткәрә. Бүгенге көнгә 30 мең 200 гектарда, ягъни билгеләнгән мәйданның 51 процентында иртә культуралар чәчелде.

Язгы кыр эшләрен беренчеләрдән булып башлап җибәргән “Намус” агрофирмасы чәчүне төгәлләргә дә өлгерде. Районда үлән һәм уҗым культураларын тукландыру, дым каплау төгәлләнде. Бүген төп бурыч – дымны югалтмыйча, сабан культуралары чәчүне тиз арада төгәлләү, ди белгечләр.