Бикмәчлеләр мариларның корбан аенда ниләр эшли?

Бикмәч авылы оешуга яз көне 90 ел тулды. Шул хөрмәткә үзебезнең бөек Ак мәрхәмәтле аллага Бикмәч халкы исеменнән тәкә бирдек. Һәм үзебезнең теләкләрне җиткердек. Еллар тыныч, имин булсын, башка халыклар белән дус, тату яшәргә, кешеләр бер-берсенә мәрхәмәтле булсын, мал-туарлар исән булсын, икмәкләр мул булсын, яңгыр да вакытында яусын, җил дә вакытында иссен дип, кыскасы, һәр нәрсә дә үз вакытында булсын, дип теләк теләдек. 4нче июньдә мариларда җәйге корбан ае башланды. Ул 14 нче июльгә кадәр дәвам итә, дип хәбәр иттеләр Бикмәч авылыннан.