Кисәк суыту авыручылар санын арттыра

Кискен респиратор авырулар белән чирләүчеләр артты, дип хәбәр итәләр район үзәк хастаханәсенең ашыгыч ярдәм бүлегеннән. Соңгы өч көн эчендә генә дә 12 кешегә әлеге диагноз куелган, шуларның 8е - балалар. Көннәрнең кисәк суытып җибәрүе, көздән кышка күчкән чорда иммунитетның ныгып җитмәве авыруны кискенләштерә, ди табиблар. Профилактика чаралары күрү, витаминнар эчү хәлне бераз җиңеләйтәчәк, ләкин авыру билгеләре күренү белән табибка мөрәҗәгать итү кирәк.