Бүген Казан халыкара мөселман киносы фестивале җиңүчеләре игълан ителәчәк

Тантана М.Җәлил исемендәге опера һәм балет театры бинасында үтә.Искәртеп үтәбез, кинофестивальнең төп конкурс программасында кыска метражлы нәфис фильмнар авторлары - татар режиссерларыннан Илшат Рәхимбай һәм Байбулат Батуллин бар. Документаль фильмнар номинациясендә Ренат Вәлиуллинның "Велохаҗ" фильмы көч сынаша. Калган татар фильмнары өчен аерым "Милли конкурс" булдырылган.

Кинофестивальнең матбугат үзәге хәбәр иткәнчә, хөрмәтле кунаклар арасында актерлар Валерий Гаркалин, Кирилл Сафонов, Виктор Мережко, Анна Снаткина, Андрей Соколов бар. Кызыл келәмнән алар үтәчәк. Тантананың кызыл келәм өлеше 17.00 сәгатьтә башлана.