Безнекеләр булдыра!

24 ноябрь көнне сәнгать мәктәбенең фортепиано бүлеге укучылары Әлмәт музыка көллиятендә узган яшь музыкантларның республикакүләм конкурсына барды. “Яшь пианиночы” номинациясендә райондашларыбыз төрле шәһәр-районннардан килгән 50 бала арасында җиңү яулап кайтты. Алеся Латыпова сыйныфы укучысы Кадрия Сәлимова 3нче дәрәҗә лауреат булды һәм медаль белән бүләкләнде. Розалия Хәбибуллина укучысы Язилә Кыямова – 1нче дәрәҗә, Филүзә Шәрипова укучысы Ралина Шәрипова 2нче дәрәҗә дипломант булдылар.