Безнекеләр булдыралар

Бөгелмәдә “Милли моң” Россиякүләм мөнәҗәтләр фестивале үтте. Татарстан Республикасы мөселманнары Диния нәзарәте, Бөгелмә шәһәре һәм Бөгелмә районы мөхтәсибәте оештырган бәйге ТАССРның 100 еллыгы һәм ТР мөселманнары Диния нәзарәте игълан иткән Туган тел елы кысаларында узды. Фестивальдә Башкортостаннан, Оренбург өлкәсеннән, Татарстанның сигез районыннан килгән конкурсантлар көч сынашты. Бәйгедә Мөслим районыннан дүрт кеше катнашты. Иске Карамалы авылы имам-хатыйбы Сөләйман хәзрәт Хафизов “Тамашачы симпатиясе” призына лаек булды.