"Бердәм Россия" партиясенең Мөслимдәге беренчел бүлекчәсе Мактау грамотасы алды

"Бердәм Россия" сәяси партиясенең татар региональ бүлегенең XXVII конференциясе узды. Анда ТР Президенты Рөстәм Миңнеханов һәм партиянең генераль советы сәркатибе вазыйфаларын башкаручы, Федерация Советы рәисе урынбасары Андрей Турчак катнашты. Конференциядә партия эшчәнлегенә анализ ясалды, беренчел бүлекчәләр конкурсына нәтиҗә ясалды. Мөслим район Советы аппараты җитәкчесе Ренат Гыймаделислам улы Гарипов 1987 беренчел бүлекчә арасында өченче урынны яулап, Мактау грамотасына һәм кыйммәтле бүләккә лаек булды.