Партия конференциясендә

Казанда “Бердәм Россия” партиясе Татарстан бүлекчәсенең ХХVIII конференциясе үтте. Партия әгъзалары милли проектлар кысаларында эш планын, партия төзелеше һ. б. мәсьәләләрне тикшерде. Сайлаучыларның наказларын үтәүгә аерым игътибар бирелде, “Бердәм Россия” партиясенең бөтенроссия сездына делегатлар сайланды. Конференциядә безнең районнан партиянең җирле бүлеге секретаре, район башлыгы Рамил Муллин җитәкчелегендәге делегация катнашты. Мөслим авыл җирлеге советы депутатлар төркеме җитәкчесе Эльвира Гәрәева конференциядә чыгыш ясады. Партия эшчәнлегендә актив катнашуы өчен бүлекнең башкарма комитеты җитәкчесе Сәвия Хәбировага “Бердәм Россия” партиясе Үзәк башкарма комитетының Рәхмәт хаты тапшырылды.