Мөслим-информ

Бер яшьлектә, бер картлыкта

Зифа Басыйрова исемендәге район мәдәният йортында “Алтын яшь” (“Золотой возраст”) район конкурс-фестивале үтәчәк.

Аның максаты – өлкән яшьтәге кешеләргә үзләренең иҗади сәләтләрен күрсәтү мөмкинлеге тудыру, гореф-гадәтләрне саклау һәм аларны яшь буынга тапшыру, ял сәгатьләрен файдалы итеп оештыру. Конкурс-фестивальдә хатын-кызлар – 55 яшьтән, ир-атлар 60 яшьтән, аерым һәм коллектив номерларда төрле жанрларда катнаша ала. Заявкалар 2020нче елның 15 гыйнварына кадәр район мәдәният йортында кабул ителә. Чара ике этапта үтә: сайлап алу туры – 22 гыйнварда, финал – 5 февральдә. Катнашучылар җыр-биюдә, нәфис сүздә, музыка инструментларында уйнауда сәләтләрен сынаячак. Барлык катнашучыларга һәм җиңүчеләргә Зифа Басыйрова исемендәге район мәдәният йортының дипломнары һәм истәлекле бүләкләр тапшырылачак. 

Реклама 18+

Фото – "Мөслим-информ" архивыннан.

Нравится
Поделиться:
Реклама
Комментарии (0)
Осталось символов: