Мөслим-информ

Баланлыда корбан ашы үткәргәннәр

"Гаетне үткәрүдә ярдәм иткән һәркемгә зур рәхмәт", ди авыл башлыгы.

Баланлы авылының Корбангали мәчетендә әти-әнисе шушы авылда туып үскән Рәсим Кәшифразов корбан ашы үткәргән. Авыл өчен чалынган корбаннан аш, бәлеш әзерләгәннәр, авыл халкы, кунаклар күчтәнәч – тәм-том белән килгән. "Кәшифразовлар авыл өчен беренче генә тапкыр корбан чалдырмый. Узган ел Рәсимнең әнисе Розалия ханым корбан чалдырды", ди Баланлы авыл башлыгы Илүсә Исламова. Корбан ите урында ятучыларга да таратылган. 

Илүсә ханым Баланлы һәм Шуганка авылларында мәдрәсәләр эшләвен дә хәбәр итте. Биредә авыл халкы ислам нигезләрен – шәригать кануннарын, гарәп хәрефләрен өйрәнә. Укулар октябрь аенда башланып, май аенда төгәлләнгән. "10-12 кеше  белем ала. Арада хатын-кызлар да, ир-атлар да бар. Авыл муллалары укыта", ди Илүсә Исламова.

Нравится
Поделиться:
Реклама
Комментарии (0)
Осталось символов: