Балаларны көндез йоклату

Бик сирәк очракта балалар талгын көй астында яисә үзе йоклап китә. Кайбер әниләр таныш такмаклар, җырлар көйли, аркасыннан бәпли. Хайваннар турында әкиятләр сөйләү, баланың аркасына җиңелчә массаж ясау, салмак тавыш белән китап уку да сабыйның тиз йоклап китүенә ярдәм итә.
Белгечләр киңәше
Көн дәвамында физик хәрәкәтнең күп булуы мөһим – бала арырга тиеш.
Бала йоклый торган бүлмәдә тынлык булсын.
Йоклар алдыннан күңелле уеннар уйнамаска тырышыгыз.
Шаян мультфильмнар күрсәтү киңәш ителми.
Баланы башта – ярымкараңгы, аннары караңгы бүлмәдә йоклатыгыз.