Балалар уңышы

Мөслим балалар сәнгать мәктәбе укучылары интернет конкурсларда бик теләп катнаша. Музыка әдәбияты фәнендә белем алучы укучыларның иң яхшы проект эшләре Бөтенроссия “Древо талантов” конкурсына җибәрелгән иде. Адилә Мәгъданурова, Розанна Җиһаншина, Илнур Җиһаншин, Леонид Казаков җиңүче исеменә лаек булдылар. Укытучылары – Алеся Латыйпова. Балаларга һәм аларның җитәкчеләренә конкурсның дипломнары кайтты.