Балалар белән юл куркынычсызлыгы турында әңгәмә

Туган телләр һәм халыклар бердәмлеге елы кысаларында Мөслимнең “Күбәләк” балалар бакчасында Юл иминлеге дәүләт бюджет учреждениесенең Сарман һәм Мөслим районнары буенча җитәкчесе Алсу Ситдыйкова булды. Ул зурлар һәм мәктәпкә әзерлек төркеме балалары белән юллардагы куркынычсызлык турында әңгәмә үткәрде. Балаларга юл хәрәкәте иминлеге турында сораулар бирде. Чара ахырында Алсу Разиновна төркемнәргә уеннар, барлык балаларга истәлекле бүләкләр тапшырды.