Баек авыл җирлегендә булган 3 чишмәгә дә бу елда ремонт ясалган
Авыл җирлекләрен төзекләндерү һәм яңарту, заманча итеп үзгәртү буенча Баек авылы җирлеге матур планнар белән яши. Җирлегебез чишмәләргә бай.
Аларны төзекләндерү буенча 3 авылда да күләмле эш башкарылды: чишмәләр буралап куелды, ял иту урыннары булдырылды. Авылда балалар һәм яшьләрнең сәламәт яшәү рәвешен кайгыртып зур спорт залы төзекләндерелә, заманча җиһазланган балалар майданчыгы үсеп чыкты. Балалар тавышыннан авылыбыз ямьләнеп тора. Ә өлкәннәр өчен мәчеттә бөтен уңайлыклар булдырылды: җылылык системасы алыштырылды, юыну бүлмәсе ясалды.
Бу эшләрне оештырып, башлап йөруче җирлек башлыгы Сахипгараев Айнурга балалар да, өлкәннәр дә мең рәхмәтле, дип хәбәр итәләр Баек авыл җирлегеннән.
Следите за самым важным и интересным в Telegram-каналеТатмедиа
Безнең телеграм каналга кушылыгыз! Телеграм-канал
Нет комментариев