Авыруларны профилактикалау максаты белән

Йөрәк-кан тамырлары авыруларын профилактикалау һәм халыкның сәламәтлеген тикшерү максаты белән район үзәк хастаханәсе хезмәткәрләре оешма-предприятиеләрдә булып, эшчеләрнең артериаль кан басымын үлчәде, профилактик әңгәмә үткәрделәр. Гриппка каршы прививка ясау да дәвам итә. Узган атнада 03 бригадасы хезмәт коллективларында –“Маяк” халыкка социаль хезмәт күрсәтү үзәге, районның пенсия бүлеге, мәдәният йорты, Мөслим матбугат үзәгендә булып, барлыгы 47 хезмәткәргә прививка ясалды.