Авыл хуҗалыгы кулланучылар кооперативлары өчен конкурс

ТР Авыл хуҗалыгы һәм азык-төлек министрлыгы "2015-2017 елларда Татарстан Республикасында авыл хуҗалыгы кулланучылар кооперациясе үсеше" ведомство программасында катнашучы авыл хуҗалыгы кооперативлары арасында конкурс сайлап алуы үткәрә. Заявкалар һәм документлар ТР Авыл хуҗалыгы һәм азык-төлек министрлыгы тарафыннан 420014, Казан шәһәре, Федосеевская урамы, 36 йорт, 3 кат, 309 кабинетта кабул ителә. Документлар 2016 нчы елның 16 марттан 16 апрельгә кадәр 9.00 - 16.00 сәгатьләрдә кабул ителә.

Авыл хуҗалыгы кулланучылар кооперативларын сайлап алу буенча конкурс комиссиясе утырышы заявкалар кабул итү төгәлләнгәннән соң унбиш эш көне дәвамында министрлыкта 321 кабинетта үтәчәк. Конкурска үткән катнашучыларны тыңлау графигы министрлыкның рәсми сайтында (http://agro.tatarstan.ru) "Фермерларга, авыл хуҗалыгы кооперативларына грантлар һәм шәхси ярдәмче хуҗалыкларга субсидияләр" бүлегендә урнаштырылачак. Белешмәләр өчен телефоннар: (843) 221-88-41, факс (843) 221-76-54, (55).