Алабуга шәһәрендә бадминтон буенча республика беренчелеге узды

26-28 февраль көннәрендә Алабуга шәһәренең "Бердәм Россия" спорт комплексында бадминтон буенча республика беренчелеге узды. Ярышлар өч категориядә - ялгыз, парлы һәм катнаш төрләрдә узды. Анда республиканың 23 районыннан 300гә якын спортчы көч сынашты. Мөслим район данын яклап чыгыш ясаган Ислам Фәрхетдинов белән Айнур Җәлилов парлы разрядта - өченче урын алса, Айнур Җәлилов шәхси һәм Кайбыч районы вәкиле белән булган катнаш разрядта беренче урынны алды. Гомуми команда нәтиҗәләре буенча Мөслим районы - өченче урында. Тренерлары - Инсаф Ханов.