Мөслим-информ

«Ак Барс» хоккейчылары ЦСКА командасы белән очраша

(Казан, 17 ноябрь, «Татар-информ»). Бүген - 17 ноябрьдә Казанның «Ак Барс» хоккейчылары Континенталь хоккей лигасы даими чемпионатында Мәскәүнең ЦСКА командасы белән уйный.

Көндәшләрнең ил чемпионаты кысаларында 62 мәртәбә очрашканы бар: Казан командасы исәбендә - 36 җиңү булса, ЦСКА 23 мәртәбә уңышка ирешкән, 3 матч тигез исәпкә төгәлләнгән.

Шунысы игътибарга лаек: соңгы вакытта «Ак Барс» хоккейчылары ЦСКА командасына каршы уңышсыз чыгыш ясый. Узган сезондагы ике уен да, мәсәлән, «Ак Барс»ның җиңелүе белән төгәлләнде - 2:4 һәм 1:3. Алай гына да түгел, «Ак Барс» хоккейчылары ЦСКАны Мәскәүдә 2012 елдан бирле төп вакытта җиңә алганы юк.

Бу сезонда 29 матчтан соң 64 очко туплаган ЦСКА хоккейчылары Көнбатыш конференциядә - икенче, 30 уенда 59 очко туплаган «Ак Барс» командасы «көнчыгыш»та беренче урында бара.

ЦСКА - «Ак Барс» матчы 19.30 сәгатьтә башлана.

Иң мөһим һәм кызыклы язмаларны Татмедиа Telegram-каналында укыгыз


Нравится
Поделиться:
Реклама
Реклама
Комментарии (0)
Осталось символов: