"Ак Барс" хоккейчылары чираттагы җиңүен яулады

Казан командасы яңа сезонда әле бер очко да югалтмады.

Континенталь хоккей лигасы даими чемпионатында чираттагы җиңүен яулады - "Татнефть" боз сараенда Тольяттиның "Лада" командасын отты. Әлеге уен "Ак Барс" командасы файдасына 5:2 исәбенә төгәлләнде.

Әлеге уенда "Ак Барс" капкасын 22 яшьлек Тимур Билялов саклады. Бу аның КХЛда уздырган беренче матчы булды.

Шулай итеп, Казан клубы КХЛның яңа сезоны башындагы 4 уенда да җиңү яулады. "Ак Барс" - КХЛның бу сезонында барлык уеннарны да төп вакытта җиңү белән төгәлли алган, ягъни бер очо да югалтмаган, бердәнбер команда.

Зиннәтулла Билалетдинов шәкертләре чираттагы уенны 2 сентябрьдә Казанда "Сочи" командасына каршы уздыра. Уен 17.00 сәгатьтә башлана.

КХЛ. Даими чемпионат. "Ак Барс" (Казан) - "Лада" (Тольятти). 5:2 (1:1, 2:1, 2:0).

0:1 Зернов (Бабенко, 00:59)

1:1 Марков (Ландер, Секач, 06:39, күплектә)

2:1 Попов (Глинкин, 26:54)

3:1 Глухов (Глинкин, Попов, 36:02)

3:2 Сотниекс (Соин, Костромитин, 38:28)

4:2 Чибисов (Галиев, 53:20)

5:2 Азеведо (59:59, буш капкага).

Капкачылар: Билялов - Лазушин.