7 июльдән "Мөслим – Иске Сәет – Түреш" автомобиль юлы вакытлыча ябыла

Машина йөртүчеләргә әйләнеп узу өчен Мөслим - Иске Сәет һәм Мари-Бүләр-Осиновка-Кырынтау автомобиль юллары тәкъдим ителә.

Мөслим муниципаль районында 7 июльдән 1 сентябрьгә кадәр "Мөслим - Иске Сәет - Түреш" автомобиль юлы вакытлыча хәрәкәт өчен ябыла. Бу вакытта биредә төзекләндерү эшләре башкарыла. Бу хакта ЮХИДИ идарәсе матбугат хезмәте хәбәр итә, дип җиткерә Татарстан Транспорт һәм юл хуҗалыгы министрлыгы матбугат хезмәте.

Машина йөртүчеләргә әйләнеп узу өчен Мөслим - Иске Сәет һәм Мари-Бүләр-Осиновка-Кырынтау автомобиль юллары тәкъдим ителә. Әйләнеч юллар схемасы һәм юл билгеләре Россия Эчке эшләр министрлыгының Татарстан Республикасы буенча ЮХИДИ идарәсе белән килештерелгән, диелә.