2015 елда 13 кешедә яман шеш авыруы ачыкланган

Район үзәк хастаханәсеннән хәбәр итүләренчә, 2015 елда 3716 кешегә диспансеризация үткәрергә планлаштырылган булган. Ел ахырына кадәр 3739 кеше диспансерлаштыру үткән. Бу чара кысаларында 1415 маммография төшерелгән, 722 ир-атның каны ПСА онкомаркерына тикшерелгән, 872 кеше икенче этапка - тулырак диагностикага җибәрелде. Ел дәвамында 13 кешедә яман шеш авыруы ачыкланган, 153 дисплазия, 4 шикәр чире, 894 хроник авыру, 62 простата бизе авыруы табылган, 2 лейкоз очрагы теркәлгән. Бу пациентлар барысы да моңарчы үзләрен сау-сәламәт хис иткән. Хәзер аларга дәвалау чаралары билгеләнгән, шул исәптән югары технологияле медицина ярдәме күрсәтелә.