Мөслим-информ

02 көндәлеге: 4 юл-транспорт һәлакәте булган

21 ноябрьдән 27 ноябрьгә кадәр Россия Эчке эшләр министрлыгының Мөслим районы бүлеге дежур частенә 58 хәбәр керде. Бу узган атна белән чагыштырганда 10 хәбәргә күбрәк.

Узган атнада бер генә җинаять эше дә кузгатылмады.

Җәмәгать тәртибен бозган өчен 162 беркетмә төзелде. Аларның күбесе - җәмәгать урыннарында исерек хәлдә йөргән, кеше кыйнаган һәм штрафларны вакытында түләмәгән өчен. Юл хәрәкәте кагыйдәләрен бозган өчен 158 беркетмә төзелде, аларның 2се - транспорт чарасы белән исерек хәлдә идарә иткән өчен.

Атна дәвамында 4 юл-транспорт һәлакәте булды, машиналарның барысы да техник зыян алды.

37 яшьлек ир-егет асылынып үлде. Бүгенге көндә үлемнең сәбәпләре ачыклана.

Район эчке эшләр бүлеге штабы.

Иң мөһим һәм кызыклы язмаларны Татмедиа Telegram-каналында укыгыз


Нравится
Поделиться:
Реклама
Реклама
Комментарии (0)
Осталось символов: